Wedi’i seilio ar stori wir, erchyll o drychineb Goleudy Ynys y Smalls, Michael Jibson (Saints & Strangers, Les Misérables, The Riot Club) a Mark Lewis Jones (Game Of Thrones, Master And Commander, Child 44) sydd â'r ddwy brif ran yn y The Lighthouse.
Mae’r ffilm yn dilyn penodiad trychinebus Thomas Howell a Thomas Griffith i Oleudy Ynys y Smalls i ‘gadw’r fflam’ 25 milltir o'r tir ac ynghanol Môr marwol Iwerddon. Mae’r dynion yn cael eu dal am fisoedd mewn storm enbyd ac annisgwyl, ddim llai na Gweithred Ddwyfol. Mae'r ffilm yn sôn am farwolaeth, gwallgofrwydd ac unigedd, taith ddiffaith i galon tywyllwch y cyflwr dynol.
Wedi'i chyfarwyddo gan Chris Crow, mae The Lighthouse wedi'i rhyddhau mewn sinemâu ledled gwledydd Prydain drwy Soda Pictures.
